Сырганак мае (облепиховое масло)

Майның һәм каротинның икесенең бергә булуы сырганак җиләкләрен рак авыруларына каршы көрәшүдә гаять нәтиҗәле дәва ясый. Каротин — майларда эрү үзлегенә ия витамин, шуңа күрә ул сырганак җиләкләрендә эрегән хәлдә була. Кайбер илләрнең галимнәре соңгы елларда каротинның рак күзәнәкләре үсешен туктата торган табигый тормоз булуын ачыкладылар. Тәүлек саен 6 миллиграмм шушы витамин профилактика өчен бик җитә.

Витаминнар җыелмасы буенча сырганакка җиткән үсемлекләр юк. Ә сырганак мае исә могҗизалар тудыру кодрәтенә ия. Аның белән кояшта пешкән урыннарны, пешкән җирләрне, өшүләрне, начар төзәлә торган яраларны, тире туберкулезын, колак, тамак һәм борын шешләрен, тимрәүне, гиповитаминоз һәм авитаминозларны , күз авыруларын һәм башка чирләрне дәвалыйлар. Үңәч рагына нур терапиясе ясаганда да, сырганак маен билгелиләр. Ул авыртуны туктату һәм башка бик күп шифалы үзлекләргә ия.

Ләкин сырганак мае барлык кешегә дә файдалы түгел. Мәсәлән, аны холецистит белән авыручыларга, ашказаны асты бизе белән изаланучы өлкән кешеләргә эчәргә ярамый.

Сырганак мае гайморитның кайбер формаларын дәвалаганда да яхшы чара исәпләнә. Аны шулай ук дәвамлы фарингиттан һәм ларингиттан да тәкъдим итәләр. Йоткылыкның лайлалы катламын сырганак мае сеңдерелгән мамык тампон белән майлау һәм сырганак мае белән ингаляция ясау нәтиҗәсендә 10-12 көннән соң авырулар үзләрен бик әйбәт хис итә башлыйлар (ингаляция ясаганда, бер сеанс 15 минут дәвам итә).

Пародонтитны дәвалаганда, казналарга сырганак мае белән чылатылган җеп куела.

Сырганак мае ясар өчен согы белән бергә җимешнең сусыл өлеше чистартып киптерелгән җимешләр һәм сырганак түбе (җиләкләрнең суын сыгып алганнан соң калган кипкән түп) файдаланыла. Сырганак маена җимешләр аеруча бай була.

Сок сыга торган җайланма ярдәмендә сырганак җимешләренең согын сыгалар, пыяла яки эмаль савытка салганнан соң, һәр литр сокка 0,5 кг исәбеннән шикәр комы өстиләр. Бүлмәдә 2-3 тәүлек тоталар. Бертөрле баллы масса тондырыла, майлы фракцияләр өскә калкып чыга, төптә алтынсу төстәге сок кала. Катламнарга бүленүне тизләтү өчен, сок салынган савытны сулы зуррак савытка утыртып кайнаталар.

Температура күтәрелә барган саен соктан май катламы бүленү арта һәм 75 градуста иң югары ноктага җитә. Температураны тагын да күтәрү эшнең нәтиҗәсен киметә. Шуңа күрә чистартылмаган сокны 60-80 градуска кадәр җылыту гына майлы масса бүлеп алуны яхшырта.

Өскә күтәрелгән майны җыялар. Ул тәмле була. Сокны суыткычта саклыйлар яки шундук эчәләр, ә түпне, ишекләрен ачып куеп, 60 градус җылылыктагы духовкада киптерәләр.
Болай иткәндә, җимеш маеның 50 проценты чыгып бетә.

Май куерак булсын өчен экстракция ысулын файдаланалар. Кипкән түпне яки кипкән җимешләрне кофе ваклагычында тарттыралар. Вакланып беткәч, пыяла яки эмаль савытка салалар да түптән 2-3 сантиметр өстә булырлык итеп үсемлек мае агызалар (зәйтүн мае яхшырак). Препарат чистарак булсын дисәгез, пастеризацияләнгән май кулланырга кирәк. Шуңа күрә аны башта 90 градуска кадәр җылыталар, аннары 50 градуска чаклы суыталар да өстенә түп салалар. Катнашманы бүлмәдә 8-10 көнгә караңгы урынга куялар һәм әледән-әле болгатып торалар. Даими рәвештә 60 градус чамасы температура саклау өчен, катнашманы термостатка кую мөмкинлеге булса, җитешү вакыты ике көнгә кыскара.
Майны киндер тукыма яки ике кат марля аша сөзәләр һәм аңа яңа түп өстиләр, ә файдаланылган түпкә яңа үсемлек мае агызалар. Май катнашмасында чын сырганак мае микъдарын күтәреп, моны берничә тапкыр кабатларга мөмкин.

Читайте также

Өшемәс өчен киңәшләр
Көчле салкыннар вакытында, суык тиюдән саклану өчен беренче чиратта, тиешле итеп киенү һәм дөрес туклану кирәк.   Суыкта урамга чыкканда, н...
Теш авыртуын ничек басарга?
Халык медицинасында теш авыртуын баса торган бик сыналган чаралар шактый.    Шалфей үләне чәен пешерегез. Шуны сөзеп, җылы килеш авыз...
Зәйтүн мае (оливковое масло)
Аллаһу Сөбханә вә Тәгалә әйтә: «Ул сезгә күктән су иңдерә. Сез аны эчәсез һәм ул су белән игеннәр, төрле җимешләр үстерә. Фикерли белгән ...
Ладан
Ладан ул табигый сагыз Дәвалану өчен «ләбән» дип аталган ладан кул­ланыла. Ул Африкада Йемен, Сомалида үсә торган агачларның чәере. Икенче ...
Күзгә арпа чыгу
Арпа берничә көн үсә, зурая, ниһаять, тишелеп ага. ! Дәвалау әллә ни катлаулы түгел. Башта йогышсызландырылган бинтны 3 процентлы...
Бөтнекле массаж кан басымын төшерә.
Стажлы гипертониклар үз гомерләрендә нинди генә рецептларны гына сынап карамый. Шундый чараларның берсе - бөтнек төнәтмәсе белән муенга м...
Сару кайнамасын өчен
Кайчагында рәхәтләнеп тәмле-тәмле ризыклар ашаганнан соң, ашказанында ниндидер борчу барлыкка килә һәм авызда тәмсез тәм сизелә башлый. А...
Отит (колак ялкынсынуы)
Бу авыру һава торышы алышынганда, бигрәк тә яз һәм көз айларында еш күзәтелә. Сырхауга беренче тапкыр дучар булган кеше, гадәттә, бик көч...
Кишер суының файдасы (морковный сок)
Кишер суы бик файдалы. Ул бөтен организмны нормаль хәлгә китерә. Кишер суы В, С, Д, Е, К витаминнарына бай, анда А витамины (организмга г...
Йокысызлыктан интегүчеләргә (от бессонницы)
Йокысызлык төрле сәбәпләр аркасында килеп чыга. Иң элек нервны тынычсызлый торган гадәтләрдән котылу бик мөһим. Йоклар алдыннан телевизор...
Лимон - дәвалау чарасы
Лимон турында кешелек моннан 3 мең еллар элек белгән һәм аны дәвалау чарасы буларак куллана башлаган. Өлгергән лимонның йомшак кабыгы һәм со...
Ачы торма (редька) белән дәвалану
Борынгы грек галиме Диоскорид ачы торманың файдалы сыйфатлары турында әйтеп калдырган. Аны аппетит ачу өчен дә, дару үләне буларак та киң ку...
Updated: 11.11.2017 — 17:03
Игелек.ру © 2017