Игелек.ру

Онлайн журнал на русском и татарском языках

Никах уку тәртибе (имам өчен)

ПОДЕЛИТЕСЬ ЧЕРЕЗ СОЦСЕТИ, ВАТСАП, ВАЙБЕР И Т Д...

(Никах мәҗлесен түбәндәге тәртиптә алып барырга мөмкин)

Әгүзү билләһи минәш-шәйтанир-раҗиим. Бисмилләһир-рахмәнир-рахиим. Әлхәмдүлилләһи раббил галәмиин. Вәссаләтү вәссаләмү галә расулинә Мүхәммәдин вә гәла әлиһи вә әсхабиһи әҗмәгыйн.

Галәмнәрне юктан бар кылып, тәрбияләп торучы Бөек Раббыбыз Аллаһы Сүбхәнәкә вә Хак Тәгаләгә барча олуглауларыбыз һәм шөкеранәләребез булса иде!

Галәмнәргә рәхмәт өчен җибәрелгән пәйгамбәребез Мөхәммәд Мостафа саллалаһү галәйһи вә сәләм хәзрәтләренә күңел түрләребездән чыккан салаватларыбыз һәм иң изге догаларыбыз ирешсә иде.

Мөхтәрәм җәмагәт, хөрмәтле кунаклар, мөселман кардәшләр, Әссәләмүгаләйкум вә рахмәтуллаһи вә бәракәтух! Барчабызга да Аллаһы Тәгаләнең сәламе, рахмәте һәм бәракәте булсын! Аллаһы Тәгалә ошбу никах мәҗлесен бәракәтле итеп булачак яшь гаиләгә һәм безнең һәммәбезгә дә хәерле көннәр, хәерле тормышлар насыйп итсен.

Иң беренче итеп  шушы җыелу хөрмәтенә бер дога кылып алыйк:

Әгүзү билләһи минәш-шәйтанир-раҗиим. Бисмилләһир-рахмәнир-рахиим. Аллаһүммә әнзилни мүнзиләм, мүбәракән вә әнтә хайрум мунзилин. Йа Раббым Аллаһ шушы мәҗлесне, шушы никах көнен бәракәтле ит һәм  кабуллардан кыл. Раббанә әтинә фид дунья хәсәнәтән вә фил әхыйрати хәсәнәтән вә кыйнә газәбән нәр. Бирахмәтикә я әрхамарахимин!

Раббыбыз Аллаһы Тәгаләдән  никахлашучы яшләребезгә хәер-фатихасын сорау хөрмәтенә оештырылган мәҗлесебезне башлыйбыз.

Никах шартларына керешкәнче иң алдан вәгаз укып китмәкче булам.

Бисмилләһир-рахмәәнир-рахиим... (Никах, гаилә тормышы турында берәр вәгазь укыла)

***

Ә хәзер инде никахның төп өлешенә күчәбез. Никах сүзе гарәпчәдән килешү төзү дигән мәгънәдә һәм әлеге  килешү дөрес булсын өчен билгеле бер шартлар үтәлергә тиеш. Никахның  берничә мөһим булган шарты бар.

Иң беренче шарт — кияү белән кәләшнең Аллаһка ышануы, ягъни мөселман булулары һәм моны:

«Лә иләһе илаллаһ, Мөхәммәду расуллаһ»—  дип иман сүзен әйтеп дәлилләп күрсәтүләре.

«Лә иләһе илаллаһ, мәхәммәду расуллаһ»— дип «Бер Аллаһтан кала бүтән Аллаһ юк, Мөхәммәд Аллаһның илчесе» икәнлегенә ышанып, мәгънәсен аңлап, чын күңеленнән әйткән кеше мөселман санала, Аллаһны таныган кеше була.

Пәйгамбәребез Мөхәммәд Мостафа салләллаһу галәйһи вә сәлләм әйтте: үз ирке белән шушы сүзне үз гомерендә бер мәртәбә әйткән кеше, шушы сүзгә тугры калса, аның актык урыны җәннәттә булыр, диде.

Икенче шарт никахта шаһитлар булуы. Шаһитлар итеп  мөселман булган ике ир кеше, яисә бер ир кеше һәм ике хатын кыз сайлана ала. Кияү белән кәләш әлеге шаһитлар каршында үзләренең ризалыгын белдерәләр, әлеге кешеләрнең шаһитлыгы белән никах теркәлә.

Шулай ук кияүнең кәләшкә мәһәр, ягъни никах бүләге бирүе дә никахның төп шартларының берсе булып тора (Гадәттә алтын бизәнү әйберләре, алка, йөзек яисә муенса бирелә). Әгәр кияү мәһәрне алмаган булса, аннан кайчан алып биреләчәге сорала.  Әгәр дә кәләш биргән мәһәр белән риза булмаса, бүтән төрле бүләк сорарга да хокуклы.

Никахның тагы бер шарты булып ике якның да әти-әниләренең ризалыгы, яшьләрнең үз теләкләре белән никахлашуы.  Шуңа күрә алардан шаһитлар каршында ризалыклары да сорала.

Бүгенге мәҗлестә без бөтенебез дә шушы никахның шәһитләре, ләкин шулай да таныклыкка теркәү өчен безгә ике шаһит сайларга кирәк булачак. Әйдәгез кемнәрне сайлыйбыз? (Шаһитлар сайлана)

Хөрмәтле яшьләр,  хәзер сез шаһитләр алдында һәм төп шаһит Аллаһы Тәгалә каршында, «Лә иләһе илаллаһ, Мөхәммәду расуллаһ»— дип үзегезнең мөселман булуыгызны расларга тиеш.

Иң беренче кәләштән башлыйбыз. Әйдә  сеңлем иман кәлимәсен әйтеп күрсәт.  Бисмилләһир-рахмәнир-рахиим…

Кияү рәхим ит. Бисмилләһир-рахмәнир-рахиим…

Бик яхшы барыбыз да курде, ишетте яшьләр икесе дә иман кәлимәсен әйтеп үзләренең мөселман икәнлекләрен расладылар.

Ә хәзер никахның алдагы тагы бер шартын үтәп, кияүнең нинди бүләк, мәһәр бүләк итүен сорыйк. Кияү нинди мәһәр бирәсең?

Килен килешенгән мәһәргә ризамы?

Шаһитләр мәһәрне күрдегезме? Яхшы…

Тагын бер шарт үтәлде. Һәм инде соңгы шарт ризалыкларын сорау.

Бимилләһир-рахмәнир-рахиим. Иң беренче кәләштән сорыйбыз (сораулар үткән заманда бирелә):

— Бисмилләһир-рахмәәнир-рахиим Ибраһим  кызы Мәрьям, син Габдулла улы Салихка  риза булып бардыңмы?

-Әйе, риза булып бардым.

— Шаһитлар җавапны ишеттегезме? Яхшы, инде егеттән сорыйбыз.

— Бимилләһир-рахмәнир-рахиим. Габдулла  улы Салих,  син Ибраһим кызы Мәрьямне хатынлыкка риза булып алдыңмы?

— Әйе, риза булып алдым

— Аллаһы Тәгалә разый булсын. Шаһитлар җавапны ишеттегезме? Шаһитлар бу җавапларны ишетте, барыгыз да ишеткәнсездер. Инде хәзер никах хөтбәсе укып дога кылабыз.

Никах хөтбәсе уку:

Бисмилләһир-рахмәәнир-рахииим.

Әлхәмдү лилләһи мүйәссириль үмүүри үә мүкаддириш шүһүүри үә мүгаййириль әзминәти үәддүһүүр. Әлләзии нәәҗәә мүүсәә мәгәһүү гәләт туур. Үә әнзәләт тәүраата үәл инҗиилә үәл фүркаанә үәз зәбүүр. Үә әхәллән никәәхә мәкърунәәм бишшүһүүди үәл мүһүүр. Кәмәә кааләллаһу сүбхәәнәһүү үә тәгәәләә фии сүүратин «Нүүр»:

«Үә әңкихүл әйәәмәә миңкүм үәссаалихиинә мин гибәәдикүм үә имәәәикүм ий йәкүүнүү фүкараааә йүгъниһимүллаһу миң фәдълиһии».

Ләкадь җәәә-әл әхъбәәру гәниннәбиййи, салләәллаһу гәләйһи үә сәлләмә:

«Әнникәәхү сүннәтии, фәмәр рагыйбә гәң сүннәтии фәләйсә миннии. Әннәәкихү раагыйбү үәл мәңкүүхәтү мәргуубәтү, үәл мәһру гәләә мәә тәраадайәә. Тәнәәкәхүү, тәүәәләдүү, тәкәәсәруу, фәиннии үбәәһии бикүмүл үмәмә йәүмәл кыйәәмәһ.»

Әсбәтәллааһу фии судүүриль җәәнибәйни хәббәтәл мәхәббәһ.

Әсбәтәллааһу фии судүүриль җәәнибәйни хәббәтәл мәхәббәһ.

Әсбәтәллааһу фии судүүриль җәәнибәйни хәббәтәл мәхәббәһ.

Үә әкуулү каулии һәәзәә үә әстәгфируллааһәл гаффәәра лии үә ләкүм үә лисәәәирил җәмәәгәтил мүслимиинә әҗмәгиин

Һәәзәә хүкмүм мин әхкәмил хәәкимиинә үә раббил гәәләмиинә үә сүннәтүм мин сүнәнил әнбийәәәи үәл мүрсәлиин.

Дога кылу:

Әй Раббым Аллаһ Үзеңнең ризалыгың өчен шушы яшьләргә никах укыдык. Ошбу никахны кабуллардан кылсаң иде. Яшь парларның  арасына тагын да ныграк мәхәббәт хисләре салып, аларга җиңеллекләр белән тормыш корып шатлык белән, кайгы-хәсрәтсез, бер-берсен яратып, бер-берсенә терәк булып яшәргә насыйп итсәң иде, йа Раббым аларга саулык-сәламәтлек биреп, сау-сәламәт балалар алып кайтып, ул балаларны тигезлек белән, саулык белән, шатлык белән  — иманлы итеп үзләре тәрбияләп үстереп картайган көннәрендә дә аларның куанычын күрергә насыйп итсәң иде.
«Бәәракәллаһу ләкә үә бәәракә галәйкә үә җәмәга бәйнәкүмәә фии хайр»

«Аллаһ Тәгалә сезгә бәрәкәтен бирсен, Үзенең ярдәмен яудырсын һәм бәхет белән яшәргә насыйп итсен!» Раббанә әтинә фид дунья хәсәнәтән вә фил ахыйрати хәсәнәтән вә кыйнә газәбән нәр. Амин. (дога тәмам)

Ин шә Аллаһ шушы мизгелләрдән сез Аллаһы Тәгалә каршында ир белән хатын булдыгыз, һәм бер-берегезгә хәләл булып саналасыз.  Һәм сезнең өскә яңа бурычлар да өстәлә. Бүгеннән башлап әти-әниләрегез өстендәге бурыч сезнең үз өстегезгә төшә. Сезнең икегезгә дә яңа вазифалар өстәлә,  ир кеше хуҗа кеше ул  хуҗалык өчен җавап бирә, чөнки Пәйгамбәребез әйтте һәрберегез көтүче һәрберегез үзегезнең көтүегез өчен җавап бирә диде бу ирләргә карата әйтелгән сүз.

Хатын-кызның вазифасы өйдәге пөхтәлекне чисталыкны булдыручы, җылы ризык пешереп ирен ачык йөз белән каршы алучы, иренең, балаларының чиста пөхтә булулары  шулай ук хатын-кызның вазифаларына керә. Иң күркәм хатын-кыз диде пәйгамбәребез сәлаллаһү галәйһиссәләм, иренә буйсына белгән ирен хуҗа дип таный белгән.  Ә иң күркәм ир — хатынына карата рәхим шәфкатле, мәрхамәтле булган ир диде.

Шулай ук ике якның да әти-әниләрегезне туганнарыгызны да яратыгыз хөрмәт итегез.

Каенана һәм каенаталар үз ата-анагыз кебек, мәхрәм хөкемендә булырлар. Ата-ананы хөрмәт итү иң изге бурычларның берсе булып тора. Шушы вазифаларны үтәсәгез, тормышыгыз хәерле бәракәтле булыр.

Аллаһы Сүбхәнәкә вә Хак Тәгалә сезгә җиңеллек белән тормыш корып , шатлык белән кайгы-хәсрәтсез бер-берегезгә терәк булып, бер-берегезне аңлап яшәргә насыйп итсен. Кабуллардан кылсын никахыгызны.

Ә хәзер яшь гаиләне шушы изге бәйрәмнәре белән котлау өчен сүзне ике якның әти-әниләренә, туганнарына бирәсем килә…

Аннан соң Корән укып мәрхүмнәр рухларына багышлап Коръән укыла, дога кылына.

Никах табыны — ашау эчүдән соң, кәләш белән кияүдән әти-әниләренә рәхмәт сүзләре әйттерергә мөмкин.

Иң соңыннан  мәҗлесне тәмамлап әлеге доганы кылу яхшы булыр:

Аш догасы:

Әлхәмдүлилләһи әлләзии әтгамәнә, вә сәканә вә җәгаләнә минәл мүслимин. Вәлхәмдүлилләһи Раббил галәмиин.

Йә Раббыбыз Аллаһ, ошбу мәҗлесне кабуллардан кыл.

Ошбу мәҗлесне оештырган, оештырганда малларын, көч куәтләрен керткән, күчтәнәчләрен алып килгән, сәдака биргән  кардәшләребезнең һәммәсенең дә изгелекләрен кабуллардан кыл.

Аларга мал бәракәте, саулык-сәламәтлек, йортларына иминлек бир бәндәчелек белән кылган гонаһларын, хата-кимчелекләрен гафу итеп, ахирәттә җәннәтләреңне насыйп ит.

Йә Раббыбыз Аллаһ! Синең әмереңне үтәп, бүген шушы яшләргә никах укыдык, аларның никахларын төзек кылып, мәхәббәтләрен дәвамлы кыл. Ошбу парга хәерле гомер, хәерле сәламәтлек, тәкдирләнгән гомерләрендә тигез яшәүләрен насыйп кыл.

Алардан туган балалар  динебезне, илебезне, милләтебезне күәтләүче, үзләренә миһербанлы шәфкатле, хөрмәт кылучы, догачы балалар булуын, шул балаларны шатлык-сөенеч, тигезлек белән үстереп, шатлык-сөенечләрен генә күрергә насыйп ит.

Йә Раббыбыз Аллаһ тормыш дигән озын авыр юлны үткәндә бер-беренә таяныч булып, бер-берен хөрмәт итеп, хаталарын гафу итеп, бер-беренә юл куеп яшәргә күркәм сабырлыклар насыйп ит.

«Бәәракәллаһу ләкә үә бәәракә галәйкә үә җәмәга бәйнәкүмәә фии хайр»

«Аллаһ Тәгалә сезгә бәрәкәтен бирсен, Үзенең ярдәмен яудырсын һәм бәхет белән яшәргә насыйп итсен!»

Раббанә әтинә фид дунья хәсәнәтән вә фил әхыйрати хәсәнәтән вә кыйнә газәбән нәр. Бирахмәтикә я әрхамарахимин.

Читайте еще

Ялган - гөнаһмы?
Ялганны гөнаһ диләр. Үз дигәнеңә ирешү өчен генә түгел, кемнедер үпкәләтмәс яисә борчымас өчен дөресен сөйләмәсәң дә буламы? Билгеле ялган тыела. Шулай да өч очракта кагыйдәдән чыгарма бар: четерекле, кыен хәлгә калганда гомереңне һәм милкеңне саклау, башкаларны татулаштыру...
Ирләргә алтын балдак кию ярыймы?
Белгәнебезчә, мөселман кешесенә алтын әйберләрне йөртергә ярамый, туйда кия торган алтын балдак хакында ни әйтерсез? Әгәр кеше туй балдагын киеп йөри икән, көмешне кисен. Көмеш балдак рөхсәт ителә. ("Кәеф ничек" газетасыннан)
Коръән китабын ерткан өчен җир тетри.
1999 нчы елның 7нче ноябрендә Төркиядә коточкыч җир тетрәү булды. Төркия хөкүмәте яшереп калырга каравына теләмәстән, җир тетрәүдә булган гаҗәп хәлләр басмага чыкты. Чөнки Аллаһы Тәгалә һичбер вакытта да афәт җибәрми, әгәр халык бозыклыкның чигенә чыгып җитмәсә. (“Албани&...
Балага исем кушу.
 Бала берничә көнлек булгач, аңа исем куелыр. Тәһарәт алып, уң колагына азан, сул колагына камәт әйтелер. Куелачак исемнең мәгънәсенә игътибар ителер. Матур исем куелыр. Аннан соң, Коръәни Кәримнән бер сүрә укылып, дога ителер. Баланың иленә, милләт һәм диненә файдалы кеше...
Әльясәгъ галәйһиссәлам
Әльясәгъ галәйһиссәлам Аллаһ тәгаләнең Бәнү Исраил кавеменә Ильястән соң җибәрелгән пәй­гамбәрләреннән иде. Ул Ильястән соң пәйгамбәр булып килсә дә, ләкин аның (Ильяснең) сүзләрен тыңлап, бергә Аллаһка гыйбадәт кылып, бер чорда яшәде. Ильяс галәйһиссәлам вафат булг...
Юныс галәйһиссәлам
Юныс галәйһиссәлам пәйгамбәр итеп җибәрелгән кавем Гыйрак җирендәге Мусал янындагы Найнава шәһәрендә яши торган иде. Ул кавем дә башка кавемнәр кебек үк агачтан вә таштан потлар ясап табына торган булдылар. Чөнки алар: «Безгә бу потлар ярдәм итә, авырсак шифа бирә&...
Сөләйман
Сөләймән  Давыдның улы иде. Аллаһ тәгалә аны пәйгамбәрләрдән кылып, Бер Аллаһка гына гыйбадәт кылуга чакыру белән йөкләде. Раббул- Гыйззә аңа кошлар һәм барча хайваннар телен бел­гертте һәм шулай ук җеннәрне аңа буйсындырып, аларны аның гаскәре вә хезмәтче...
Сихер турында вәгазь «Сак булыгыз сихер!» (Рамил Юныс) Өшкерү догалары, Коръән аятьләре(аудиоязмада)
Сихер турында вәгазь «Сак булыгыз сихер!» (Рамил Юныс):   Өшкерү догалары, Коръән аятьләре(аудиоязмада): Әгәр дә ошбу язманы тыңлаган вакытта сездә гайре табигый хисләр барлыкка килсә, әйтик чыгып китәс...
Аллаһының рәхмәте бигрәк киң.
Кеше нинди дә булса өйдә гөнаһ кылганда, әлеге өйнең түбәсе Аллаһыдан аның өстенә ишелеп төшәргә рөхсәт сорый. Әгәр инде кеше ачык күк астында гөнаһ кыла икән, ул чакта җир Аллаһыдан, ачылып, әлеге кешене йотарга сорый. Аллаһы Тәгалә җавап итеп алардан Үзенең колын калдыруын сорый,...
Ибраһим СӘЛАХОВ. "Намаз"
Мөгаен, һәрбер кешенең күңел түрендә нинди дә булса бер үзенә генә хас яшерен сере була. Ул аны һичкемгә дә, хәтта үз-үзенә да ачып салырга теләми. Курка. Газаплана. Ояла. Һәм, ниһаять, иң ахырдан ул аны үзе белән кабергә дә алып китә — Мәңгелек Караңгылыкка... Кы...
Хәмер эчүдән тыелу.
Фәкыйһ р.г. үзенең иснәде белән Гобәйдулладан, ул Габдулла бин Гомәр р.г.дән риваять итә. Габдулла бин Гомәр р.г. әйтте:    «Кыямәт көнендә аракы эчүчене китерерләр. Аның йөзе кара, ике күзе зәңгәр, теле асылынган, күкрәгенә селәгәе агып тор...
Олы гөнаһлар
Олуг гөнаһ санында күп төрле ихтиләфләр бар. Мәсәлән, Гомәр разыяллаһү ганһү - алар тугыз, хәзрәти Әбү һөрәйрә - ун, хәзрәти Гали - унике,дигән. Кайберләре һәр гөнаһ үзеннән түбән гөнаһка караганда олуг, үзеннән югарыга караганда кечкенә, башкалар олы гөнаһ­лар - йөз ил...
Тәмәке тарту - зур гөнаһ.
Кайсыбер милләттәшләребез, намаз укуларына карамастан, тәмәке тартуларын ташлый алмыйлар, дөресрәге, ташларга теләмиләр, чөнки аны гөнаһлы гамәл дип уйламыйлар. Алар: “Тәмәке тарту мөстәкрәһ гамәлгә керә”, — диләр. Белгәнебезчә, мөстәкрәһ гамәлне кылга...
Коръән, догаларны ятлау шифалы
Адәм баласының баш миендә йөз миллиардларча төп ми күзәнәге һәм берничә триллион ярдәмче күзәнәк бар. Кеше аларның 12 процентын гына куллана. Ми эшчәнлеген мөмкин кадәр яхшырак файдалану һәркемнең үзеннән тора икән. Иң отышлысы - яттан өйрәнү. Мәсәлән, Япония мәктәпләрендә бар нәрс...
Көдси хәдис
Әй Адәм баласы, үлем - ул ишек һәм бар кеше дә ул ишектән керәчәк. Әй Адәм баласы, үлем - ул савыт һәм бар кеше дә ул савыттан эчәчәк. Әй Адәм баласы, чынлыкта Мин сине ахирәт өчен яралттым һәм  синнән ахирәт гамәлләрен телим. Син калдыр дөнья эшләрен, дөре...
Нәрсә ул рия
Рия - ул бер гыйбадәтне Аллаһның ризалыгы өчен түгел, ә кеше ризалыгын теләп, кеше күрсен яисә ишетсен өчен кылу. Бу кешенең максаты дан яулау һәм казаныш табу, ягъни ул бик яхшы һәм изге, ул имеш беркайчан да һәм беркемгә дә яманлык эшләми торган бер фәрештә шикелле кеше. ...
Гарәфә көне
Пәйгамбәребез Мөхәммәд галәйһиссәләм болай диде: "Гарәфә көнендә ураза тоткан кешегә Аллаһ үткән һәм киләсе елның гөнаһларын гафу итәр дип өметләнәм". Корбан бәйрәме алдыннан була торган Гарәфә көнне Хаҗ кылучылар Мәккә янындагы Гарәфә тавына баралар һәм тау итәгендә намаз у...
Гыйлем - гомер яктысы
"Гыйлем белән гамәл итүне үзеңә гадәт кыл, әгәр галим гыйлемне гамәлдә кулланмаса, ул рухсыз бәдәнгә охшый", — шундый сүзләрне имамыбыз Әбү Хәнифә әйткәне бар. Билгеле ки, Ислам кешеләрне гыйлем алуга этәрүче диндер. Моңа гыйлем өйрәнергә өндәгән аятьләр...
Ватык савыт кулланмагыз
Халыкта ватылган, чатнаган савытны өйдә тотарга ярамый дигән хорафат бар, ләкин моның сәбәбен бик аз кеше генә белә. Савыт-саба шалтырамый тормый диләр... Тормыш булгач төрле хәлләр була, савыт-саба чатнарга да, ватылырга да, кителергә дә мөмкин. Һәр өйдә ялгышмы ул, чынлапмы савыт...
Гайсә пәйгамбәр: "Соңгы пәйгамбәр Мөхәммәд була", - дип әйткән
Бу фактны борынгы Инҗил китабы дәлилли 1947 елны Иерусалим шәһәреннән 10 миль ераклыкта урнашкан Кумраи дигән җирдә көтүчеләр бер мәгарәгә тап булалар. Гадәттә мондый көтелмәгән хәл әдәм баласында кызыксыну уятучан. Шулай була да. Мәгарәдә йөргән вакытта алар ниндидер язма...
Хаҗәт намазы һәм догасы
Күңелендә бер теләге, максаты булган кеше бу теләге тормышка ашсын өчен ястү намазыннан соң, тәһарәт алып, ике, я дүрт рәкәгать намаз укыр. Аллаһыга хәмде-сәнә әйтер. Аны мактар. Пәйгамбәребезгә (с.г.в.) салават вә сәлам әйтер. Теләге чынга ашсын өчен Аллаһы Тәгаләгә дога вә ният к...
Һиҗрәт кичәсе
Һиҗрәт кичәсе сафар аеның егерме җиденче кичедер. (быел 2015 елда 8-9 декабргә туры килә) Пәйгамбәребез Мөхәммәд галәйһиссәлләмнең Аллаһы Тәгалә кушуы белән, кяферләр җәфасыннан котылу өчен, Мәккә шәһәреннән Мәдинә шәһәренә күчәргә ниятләп юлга чыккан көнедер. Ул көн Расүлуллаһның ...
Пәйгамбәребез Мөхәммәд салләллаһү гәләйһиссәлләм турында кыскача
Пәйгамбәребез Мөхәммәд Мостафа салләллаһү гәләйһиссәлләм милләте буенча гарәп, курәеш кабиләсеннән. Әтисе Габдулла, аның әтисе Габделмоталлип, аның әтисе Һашим, аның әтисе Габделмәннәф, аның әтисе Кусит, аның әтисе Кинән, аның әтисе Морат. Пәйгамбәребезнең нәселе Исмәгыйль гәләйһиссәл...
Сихер белән шөгыльләнүче кешенең урыны җәһәннәмдә
Әгәр кеше - берэрсе сораган эйберне, эйтик, сөйдергечне ясап бирсэ, (яки ике кешене кавыштыру өчен ясалса да) бу инде сихер була. Гаиләне саклар өчен дип ялварсалар да, бу барыбер сихер булып кала бирэ. Ә сихер белән шөгыльләнү иң зур гөнаһлардан санала. Сихерчегә кичерү юк. Шәригать ...
Updated: 17.12.2017 — 20:12

Поиск

Игелек.ру © 2017
Яндекс.Метрика