Игелек.ру

Онлайн журнал на русском и татарском языках

Исламда терроризм юк

ПОДЕЛИТЕСЬ ЧЕРЕЗ СОЦСЕТИ, ВАТСАП, ВАЙБЕР И Т Д...

Әгүзү билләһи минәш-шәйтанир-раҗиим. Бисмилләһир-рахмәәнир-рахиим. Әлхәмдүлилләһи раббил галәмиин. Вәсаләәтү вәсәләәмү галә расулинәә Мүхәммәдин вә галә әлиһи вә әсхәбиһи әҗмәгыйн. Әссәләмүгәләйкүм вә рахмәтуллаһи вә бәракәтух — мөхтәрәм дин кардәшләр.

Терроризм – ул кешелеккә карата эшләнгән җинаять. Аның нәтиҗәсендә бер гаепсез кешеләр зарар күрә. Террорчыларның максаты – кешеләрне үтереп һәм имгәтеп, җәмгыять эчендә курку тудыру, һәм бу газап һәм куркуны кулланып, төрле вәхши сәяси максатларга ирешү. 

Соңгы елларда дөнья күләмендә "Ислам терроры” дигән ялгыш бер төшенчә барлыкка килде. Әйе ялгыш төшенчә — чөнки Исламда террорга урын юк. 

Аллаһ Тәгалә Коръәндә бөтен мөселманнарга дөньяга тынычлык, хозур һәм кардәшлек китерүләрен әмер итте. Ислам дине ул хак, дөрес һәм тынычлыкка-иминлеккә чакыра торган дин. Ләкин, ни кызганыч, кайберәүләр аны башкача аңлыйлар, янәсе, бу сүзләр дөрес түгел: “Ислам ул тынычлыкка өндәми, ул халыкны мәҗбүр итә, аларга мәшәкать тудыра. Кайберәүләр ислам динен тотучы мөселманнардан куркалар. Мөселманнар – экстремистлар һәм террористлар”, дип әйтүчеләр дә бар. Ни өчен алай әйтәләр дисәгез, хәзерге вакытта сугыш барган Сириягә һәм тыныч булмаган Ирак, Әфганстанда барган хәлләргә карап шулай ук үзебез яши торган Рәсәйдәге террористларның гамәлләренә карап Исламга карата хаталы бәя бирәләр. Алар маңгай күзләре белән күргәннәреннән чыгып бәя бирәләр. Ә без, мөселманнар, авызыбызга су капкан шикелле хак сүзне әйтә алмыйча гаҗиз булып калабыз. Безгә бик тә кыен, җаныбыз әрни. Без үзебез хак булсак та, хак икәнебезне әйтә алмыйбыз. Әйтсәк, алар бездән көләләр генә. 

Мөхтәрәм җәмәгать! Без – мөселманнар. Без сүздә генә “Ислам дине – тынычлык дине” дип сөйләп калмыйча, аны гамәлдә исбат итәргә тиеш. 

Мөселманнар яхшылыкка өндәп, үзләре дә үрнәк булырга тиеш. Ләкин барысы да без теләгәнчә булып бетә алмый. Үзен мөселман дип йөрүчеләр арасында да караклар, кеше рәнҗетүчеләр, гайбәт сатучылар, ялган сөйләүчеләр һәм кеше үтерүчеләр юк түгел. Кайберәүләр метрода, автобуста вокзалларда хәтта мәчетләрдә дә тәннәренә шартлаткычлар бәйләп үзләрен һәм тирә-юньдәге кешеләрне дә шартлатып үтерәләр. Мондый коточкыч вакыйгалар турында хәбәрләрне мөселман илләре саналган Ирактан да, Пакистаннан да еш ишетергә туры килә. Боларны хаман саен телевизордан күрсәтеп торалар. Нәтиҗәдә, гаепсез кешеләр үлә, үлүчеләр арасында мөселманнар да күп. Бу нәрсә? Ислам дине шулай эшләргә кушамы? Гаепсез кешеләрне үтергән өчен Җәннәт буламы? Юк, ул кешеләр җәннәтнең исен дә татымаячаклар. Чөнки, бер гаепсез кешене үтерүче (әгәр дә бер генә кешене үтерсә дә) бөтен кешелекне үтерүчегә тиң була дип өйрәтә Ислам дине. Ислам дине хаксызга кеше үтерү түгел, хәтта кешене рәнҗетүдән дә тыя. Шулай булгач, үзенә һәм башкаларга золым итүче мөселман була аламы? Юк андый кеше мөселман була алмый.

Мисал өчен, террорчы электростанциягә зыян салды ди. Ул күпме кешеләргә зарар китерә. Хастаханәләр, азык-төлек промышленносте, предприятие, оешмаларда эш туктала; авыруларга ярдәм күрсәтү туктый чөнки күпчелек операцияләрне техникасыз эшләп булмый; өйдәге техника: суыткыч, телевизор, компьютер, телефон һәм башка электр белән бәйле булган техникалар эшләми башлый. 

Өченчедән, метро, трамвай-троллейбус, автобус һәм башка транспортлар туктап кала. Дүртенчедән, туалетлар тыгыла, краннардан су килми, аш-су хәзерләү өчен өйдә дә, гомуми туклану урыннарында да мөмкинлекләр бетә. Гомумән алганда яшәеш туктап калгандай була. Ә безгә Ислам дине шулай эшләргә кушамы? Аллаһы Тәгалә безгә Коръәндә шуны әмер иткәнме? Юк Ислам дине үзеңә дә, кешегә дә зарар китерүдән сакланыпга боера. 

Ислам тарихына гына күз салсак та без күрәбез Пәйгамбәребез (с.г.в.) гаепсез кешеләрне гел саклап килгән. Дошманнанрдан саклану өчен булган сугышлардан тыш һичбер вакыт сугыш башламый. Бу сугышларда исә гаепсез кешеләргә тимәскә, һичбер җирне харап итмәскә, чиркәү һәм синагогаларга ихтирам күрсәтергә дип гаскәр башлыкларына әмер итә. Бу гаделлек һәм татулык бөтен Ислам тарихы буенча күзәтелә. Ислам тынычлык дине икәне моннан да бик ачык күренә. Бөтен кешеләргә карата яхшы, гадел булу һәм җир йөзендә фетнәгә каршы көрәшү – мөселманнарның төп вазыйфаларының берсе. 

Кеше рәнҗетү кеше каны кою олы гөнаһлардан. Коръәндә: «Бер кешене үтерү бөтен кешелек дөньясын үтерүгә тиң, бер кешене коткару бөтен кешелекне коткаруга тиң», диелгән. Аллаһының китабы, безне татулыкка өнди. Ә ник без дини таркаулыкта, милләтара дошманлыкта? Кеше үтереп, без бит шайтанга корбан чалабыз, аңа якын булабыз.

Без хәтта балалар тәрбияләгәндә дә — әгәр малай туса, башта бисмилләны өйрәтәсе урынга, аның кулына уенчык мылтык тоттырып атарга өйрәтәбез. Бала әбисенә яисә бабасына төбәп уенчык мылтыктан атып җибәрә. Әби-бабасы егылып китеп үлгән булып кылана. Әй шатланалар инде карап торганнар, зур үскән, әбисен атып үтерде, диләр. Бу хәлне күреп көләргә түгел, ә еларга кирәк. Сугыш бит ул балалар уены түгел. Ләкин телевизорны ачсак та шул ук күренеш хаман да шул атыш та үтереш. Ә бит балалар үсеп җитә, ир-егет була һәм аларның шул уеннарын дәвам итәсе килә. 

Ислам сүзе үк «тынычлык» дигән сүз. Без, мөселманнар, кан коеп кешеләрнең җирен, малын тартып алу өчен мөселман булмадык, ә кешеләрнең йөрәкләрен яулап алыр өчен Ислам байрагын күтәрдек. Мөселманның куенында бомба түгел, аның йөрәгендә иман, сәлам, бөтен дөньяга карата мәхәббәт булырга. Шул мәхәббәте белән ул бөтен дөньяга Аллаһ сүзен чәчеп, дөньяны гөлбакча итәргә теләүче затлардан булырга тиеш. Без, мөселманнар, әлһәмдүлилләһ, беренче, икенче бөтендөнья сугышларын башламадык, Япониягә атом бомбасы ташламадык, водород, химик, нейтрон бомбалар уйлап тапмадык. Җирдәге, диңгездәге, космостагы коралларыбыз белән мактанмыйбыз. Безнең «бомбабыз», коралыбыз – бары тик дога һәм Аллаһының сүзе, пәйгамбәребез сөннәте, максатыбыз – тынычлык, кардәшлек, Аллаһының ризалыгы. 

Ислам дине тынычлыкка һәм бер-береңә ярдәм итәргә, изгелек кылырга өнди. Тыныч илдә яшәве рәхәт, күңелле. Мөхтәрәм җәмәгать, бер-беребезне тынычлыкка өндик, тыныч-имин яшәү өчен бер-беребезне яхшы, хәерле-файдалы вәгазьләр белән нәсихәтлик! Әгәр дә без – мөселманнар: “Бу эш миңа кагылмый”, дисәк ялгышабыз. Аллаһ Тәгалә безгә Үзе тынычлыкка өндәргә кушты. Тынычлык өчен тырышканлыгыбызны сүздә генә түгел, гамәлдә дә күрсәтергә булсын. Терроризмның афәт-бәлаләрен кешеләргә балаларыбызга оныкларыбызга сөйләп аңлату Исламның тынычлыкка чакыруын һәм тынычлык дине икәненә төшендерү безнең төп бурычыбыз булса иде. Шушы эшләрне эшләсәк кенә максатыбызга ирешербез, иншәәАллаһ. 
Әлеге язмада Идрис хәзрәт Галәветдин һәм Зөфәр хәзрәт ГАЛИУЛЛА вәгазләре кулланылды.

Читайте еще

Намазга басарга ни комачаулый?
Без искиткеч зур тизлек заманында яшибез. Өебездән чыкмыйча, компьютер каршында  утырып, дөньяның теләсә-кайсы кыйтгасында булып узган вакыйгалар турында көнендә үк беләбез, чиксез мәгълүмат ташкыны эчендә кайныйбыз. Нәрсәне булса да барлык нечкәлекләре белән белү өчен бүген адәм бала...
Күңел күзе
Бер районда очрашу вакытында өстәлгә тавык йомыркасы китереп куйдылар. Хәзрәт, карагыз әле, йомыркага Аллаһ дип язылган, диләр. Йомыркадан гына түгел, кеше йөрәгендәге кан тамырларыннан да Аллаһ дигән язуны укырга була. Моңа бер хирург операция вакытында игътибар итә. Үз күзләренә ыша...
Җан кадерен беләсеңме?
Коръәни Кәримдә “... Әй, иман китергән кешеләр, сезгә ураза тоту фарыз ителде, сезгә кадәр булганнарга да фарыз ителгән кебек. Әгәр ураза тотсагыз, шәт, тәкъвалык дәрәҗәсенә ирешерсез”... дигән аять бар. Галимнәр, археологларның сүзлә­ренә колак салсак, шул билгеле: уразаның килеп чыг...
Зәкят түләүдән качмагыз!
Зәкят ул - Ислам диненең биш терәге булган багананың берсе, ул - мәҗбүри чыгым, фарыз гамәл санала. Әлбәттә, бөтен кеше өчен дә түгел, кемнең малы нисабка тула - шулар зәкят түли. Әгәр кеше 85 грамм алтын сатып алырлык акчага ия булса, ул зәкят түләрлек малга ия санала.Әгәр шул мик...
Мирас малы
Туганнар арасында мирас малын бүлешә алмыйча судтан судка йөрүчеләр бүген һәрдаим очрап тора. Дөньяда моннан да ямьсезрәк күренеш юктыр ул, мөгаен! Сөйләшә китсәң, әллә ниләр ишетәсең. Берсенең төпчек баласы чаярак булып чыккан да, атасын җайлап-майлап нотариустан уратып алып та ка...
"Чыгарылыш сыйныф укучыларына нәсыйхәт..." Җәлил хәзрәт Фазлыев
Хөрмәтле укучылар, хөрмәтле укытучылар, газиз дин кардәшләрем, әссәламү галәйкем үә рәхмәтуллаһи үә бәрәкәтүһ. Менә бүген сез мәктәпне тәмамлыйсыз. Әле кайчан гына 1нче сыйныфка кергән идегез, 11нче сыйныф әллә кайдагы ерак бер офык булып күренгәндер. Менә соңгы кыңгырау чы...
Күп ашама, дустым!
Тәмле итеп ашарга яраткач, бу вәгаземне иң элек үзем өчен яздым. Шулай да хезмәтемнән башкалар да файда күрсеннәр дип, сезгә дә тәкъдим итәргә ниятләдем. Ашау-эчү мәсьәләсе табынында ризыгы, җисемендә саулыгы булган һәркем өчен дә әһәмиятле булып тора. Бигрәк тә бүгенге мул...
Коръән вә сөннәт
Изге Китабыбызны ачып җибәрүче Фатиха сүрәсендәге “галәмин” сүзе дөньялар дигәнне белдерә. Ә нинди дөньялар турында сүз бара соң? Кайбер галимнәр адәмнәр дөньясы, хайваннар дөньясы, башка тереклек ияләре яши торган дөнья һәм бакый дөньяны да шушы исемлеккә кертәләр. Куртуби тәфсирендә...
Риясыз була алабызмы
Кешеләр арасында бүген күзгә күренмәс бер хәтәр авыру таралды. Ул хәтта табиблар дәвалый алмый торган хастадан да куркынычрак, аның исеме - рия. Бу чир мөселманнарга да йогып, аларны да һәлакәткә илтергә сәләтле. Рия дип тирә- ягыбыздагы дуслар-туганнар, таныш-белешләребез, күршелә...
Кабер газабы
Адәм баласы, ничек кенә бәхетле, сау-сәламәт, матур гомер итмәсен, бу яшәүнең азагы бар. Чөнки Аллаһ Сөбеханә вә Тәгалә галәмнәрне төзегәндә аның ахырын да булдырды: һәр эшнең, һәр гамәлнең азагы булган кебек, адәм балаларының да гомер ахыры бар һәм ул үлем дип атала. Фәкать Аллаһ Үзе...
Исламда хатын-кыз
8 нче март алдыннан барыбызга да таныш күренеш: бар халык дөнья куптарып бәйрәм итәргә әзерләнә, ир-егетләр әнисенә, апасына, хатынына, яраткан кызларына бүләк сайлый, шәраб, чәчәк сатып алалар. Хатын-кызлар кибеттән-кибеткә йөгереп сумка-сумка ризык ташыйлар, кунаклар белән мәҗлес ко...
Хәләл яшәү
Муса галәйһиссәләм бәни Исраил кавеменә әйтте, атнага бер көн барча эшләрегезне ташлап, фәкать Аллаһка гыйбадәт кылып яшәгез. Дөнья мәшәкатьләреннән арынып, шушы бер көнне бары тик дога-зекердә үткәрү өчен, Муса галәйһиссәләм җомга көнен тәкъдим итте. Бәни Исраил кавеме кешеләре, ү...
Шәригатьнең биш максаты
Шәригать сүзе юл, юнәлеш, яшәү рәвеше дигән мәгънәне аңлата. Ул - инсаннарның сәгадәт юлы, аларны дөнья вә Ахирәттә Раббыларына якы­найтучы юл. Ислам Шәригатенең максаты бишәү һәм алар барысы да кешелек файдасына хезмәт итә. Ислам галимнәре, Коръәнне һәм бөтен хәдисләрне өй...
Кесә телефоны: Раббыңның бер рәхмәтеме, әллә бүгенге көннең зәхмәтеме?
...Бу тавыш Әхмәтнең куен кесәсеннән килә иде. Әхмәт шул кесәсеннән көзгесымак бернәрсә чыгарды да карап тора башлады. Берәр минут үткәч, Фәтхулла хәзрәтнең артык гаҗәпләнүенә каршы, көзге адәм тавышы белән сөйли башлады. Хәзрәт, куркынып, калтыранып, көзгегә күз салды. Анда Ләйлә ...
Һич югы бер минут... Идрис ГАЛӘВЕТДИН
«Әй, кардәш, син бит барыбер иртә белән то­расың, торгач битеңне юасың, авыз-борыныңны чайкыйсың, кулларыңны юасың, чәчеңне кулың белән төзәтәсең. Унбиш минут физзарядка ясау урынына унөч минутын гына яса да, калган ике минутын Аллаһ өчен дип...
Оҗмах капкалары
Һәркемнең бу җирдә бәхетле буласы, имин тормыш белән яшисе, кылган эшләренең татлы җимешләрен, үстергән балаларының игелеген күрәсе килә. Безне бар итүче Аллаһы Тәгалә дә бәхетле булуыбызны тели һәм безгә гомеребез дәверендә бәхет яшерелгән сандыкларны юлыбызга чыгарып тора. Кызган...
Хаҗ кылу
  “Без Йортны (Кәгъбәне) кешеләр бергә җыелсын дип, иминлек урыны иттек”, ди Аллаһ Бәкара сүрәсенең 125 нче аятендә җир йөзендә Үзенә гыйбадәт кылу өчен булдырылган беренче Йорт - Мәккәдә салынган Бәйтуллаһ турында. Гарәпләргә генә түгел, б...
Үлгәннән соң терелү
Аллаһ Тәгалә насыйп итсә, иман турында, иманның ниндилеге һәм шушы иманның бер өлеше саналган — үлгәннән соң терелү турында сөйләп үтмәкче булам. Без барыбыз да: иманлыбыз, дибез, үзебезне мөселман дип саныйбыз, күңелләребез дөрес, дибез. Кайберәүләребез: м...
Намаз начар гадәтләрне төзәтә
Һәр мөселман кешесенә Ислам диненең биш баганасы таныш. Аларның берсе - намаз уку. Намаз укымыйча динле булу мөмкин түгел. Чөнки сәждә кылганда гына адәм баласы Аллаһы Тәгаләгә якыная. Пәйгамбәребез Мөхәммәдкә (с.г.в.) пәйгамбәрлек иңгәнче ул Исмәгыйль (г.с.) зама...
Намаз - сәламәтлек чыганагы
Тәүлеккә биш вакыт намаз укучы кеше Аллаһы Тәгаләнең сөекле бәндәседер. Ул теге дөньяда да, бусында да бик нык аерылып торыр. Аның күңеле тыныч, ризыгы бәрәкәтле, догасы кабул булучан, үзе сәламәт булыр. Йөзеннән нур бөркелеп, тәненнән хуш ис килеп торыр. Намаз укучы әби-бабаларыбы...
Мәҗлесләр өчесе җидесе кырыгын үткәрү
Рәхимле һәм Рәхмәтле Аллаһ исеме белән. Галәмнәрнең Раббысы булган Аллаһы Тәгаләгә мактауларыбыз булса иде. Пәйгамбәребез Мөхәммәд (с.г.в.) һәм аның гаиләсенә, сәхабәләренә сәламнәребез барып ирешсә иде. Кеше мәңгелек дөньяга күчкәннән соң “өчесе”, &...
Татар халкында йолалар 7, 40 ашлар уздыру
Традицияләребезне танырга теләмәүчеләргә аптырыйм. Әнә соңгы вакытта өчесен, җидесен, кырыгын, елын үткәрү гадәте 1789 елда чиркәү әһелләреннән кергән дип сөйли башладылар.  Чиркәү әһелләреннән кер­гән тәртип түгел бу. Әби-ба­баларыбыз христианнарга...
Укытучылар көненә вәгазь (День учителя)
Бөтен ил буенча Укытучылар көне билгеләп үтелә. Гомерләрен балалар укытуга багышлаган кешеләргә, дөньяви гыйлем буенча булса да, дини гыйлем буенча булса да, һәркайсына да Аллаһ Тәгалә озын гомер, саулык-сәламәтлек биреп, дөньяда да, ахирәттә дә Үзенең сәгадәтен Раббыбыз насыйп итс...
Бердәмлектә бәрәкәт
Вәгаземне Җәләлетдин Руми хәзрәтләренең бер хикәясе белән башлыйм. Аңа Аллаһның рәхмәте булсын. Бер бакчачының бакчасына караклар кергәннәр. Аларның берсе затлы нәселдән — хәзрәте Гали нәселеннән икән, икенчесе — суфи, өченчесе — казый. Бу өч кеше бергә булганда, аларга әлеге эшләр...
Updated: 29.09.2017 — 20:22

Поиск

Игелек.ру © 2017
Яндекс.Метрика